Өөрийн үеийнхэн битгий хэл тэднээс дээд үеийнхнээс ч илүү байр суурьтай болсон доо баяртай байна. Энэ хэдий сайн зүйл ч гэсэн бусдад таалагдахгүй байх юм..

Яахав тэнэгүүдийн дунд ухаантан муу хүн болж харагддаг даа.

Гэхдээ би ухаантай гэж хэлэх гэсэнгүйээ.. Зүгээр л бусад хүмүүс яагаад миний үзэл бодолд ухаалгаар хандахгүй байгаа юм бол гэдэгт л дургүй хүрч байна. Гэхдээ заавал ойлгохыг бусдаас шаардах нь ухаалаг бус хэрэг л дээ. Гэхдээ л хэнч намайг ойлгохгүй, ойлгохыг хүсэхгүй  байх нь ямар хэцүү аймшигтай гээч...

Саяхан урлагийн үзлэг болох гээд хүүхдэд мөнгө өгч бэлдүүлэх болов. Тэгсэн чинь манай ангийн хүүхдүүд надад битгий хэл амтай нь би гээд элдвийн юм яриад багаарай гэж анхааруулав. Уучлаарай би мөнгөө өгч бэлдүүлж байж тэр хүүхдэд шаардлага тавихгүй байх нь зөв тогтолцоо мөн гэж үү.

Ахиад л урлагийн үзлэг. Аль болох бага шаардлага тавих гэж хичээв. Ангийнхантайгаа ямар зохиолоор хийх вэ гэж ярилцав. Гол нь миний санааг хэн ч сонсорыг хүсэхгүй байв. Юманд яагаад дандаа ухаалгаар биш сэтгэл хөдлөлөөр ханддаг байна аа.

Тэгээд урлагийн үзлэг бэлдэхэд ирсэнгүй гэж намайг загнав. Би өөрийн хүсэхгүй байгаа зүйлийг хийхийг надад тулгах нь зөв гэж үү. Зөвтгөх шалтгаан нь ангийн ажил л биз. Гол нь өөрсдийн нь зохиол миний хувьд зохимжтой биш. Олигтой оноо лав авахгүй Ийм муу үр дүн надад харагдаж байхад би энэ зүйлийг хийхийг хүсч хичээнэ гэж үү. Ийм утгатай юм ярихад манай ангийнхан бүүр найзууд маань намайг шоолж байлаа. Тэднийхээр бол би *Тэр тэнэг охидуудтай хамт орж чадахгүй* гэж хэлбэл бодитой байсан байх.

Гэхдээ ангийн ажил бол шал өөр асуудал гэдгийг тэд яагаад ойлгоддоггүй байна аа. Би дандаа бид нэг зүгт харж чаддаг гэж хэлдэг. Хэн ч энэ үгийн утгыг ойлгоддоггүй бололтой. Зүгээр л нэгэн зорилгын дор дургүй хүнтэйгээ ч хамтарч ажиллаж чадна гэсэн утгатай юм.

Би либертари үзэлд төгс суралцаагүй л дээ. Гэхдээ л би энэ үзлээ хамгийн зөв нь гэдэгт итгэдэг. Энэ үзлээр маань чөлөөт эдийн засаг хамгийн үр ашигтай гэж үзэн эдийн засаг дах төрийн оролцоог багасгахыг оролддог.

Манай багш нар сайн, үнэхээр их юм мэддэг гэдгийг мэддэг. Гэхдээ тэд чөлөөт эдийн засгийг биш төрийн оролцоог/Кейнсч/ дэмждэг. Энэ байж болох л асуудал. Тэд юунд итгэх нь тэдний л эрх. Гэхдээ багштайгаа эсрэг байр суурьтай байх нь аймшигтай бас аюултай.

Багшаасаа юм асууж байтал багш маань *тэр чинь төрд ашигтай байсан болохоор........ энэ үйлдлийг өөрчлөх боломжгүй* гэж хэлэв. Уучлаарай төр ашгийн байгуулга гэдгийг би өнөөдөр л гэнэт ухаарлаа.

Ийм юм заалгаад байх утга алга.

Одооноос эхлэн хичээгээд хилийн дээс алхах бэлтгэлээ хийе дээ. Би хүмүүс ухаантай гэдэгт итгэдэг. Гэхдээ л монголд өөрсдөөс нь өөрөөр сэтгэж, юмыг өөр өнцгөөс харах хүнийг хүлээн зөвшөөрөх чадвартай хүн алга.... Ядаж л миний хүрээнд

Бараг энэнээс өөр амьдрал байдаггүй байх боломжгүй гэдэгт итгэж байлаа.

Арав төгсчихөөд хүнтэй унтаж үзээгүй бол жинхэнэ царай муутын туйл.

Ийм үг сонсоод бараг ухаан алдах шахав. Бид ч арай ч...

Биднээс өөр охид, тодруулбал ихэнх охид ямар байдаг юм бол? Миний бодлоор тэд дандаа л

• яаж сайхан харагдахав?
• Юу өмсөх вэ?
• Яаж турах вэ?
• Баахан хайр дурлал боддог байх.
• 
  

Гайгүй онц сурдаг бандитай найзлаад л хичээлд зовох хэрэггүй гэж боддог байх....

Ямар ч утгагүй бодол... Гэхдээ ийм юманд санаа зовон энгийн л амьдарч үзэх юмсан. Энэ бол сэтгэл амар сайхан амьдрал юм аа.

Гэхдээ дандаа ингэж боддог бол ч.. Арай дэндэнэ ээ.

Гэрэлт наран царайгаа нууж

Ромео Жульета хоёрынх шиг

Ийм эмгэнэлт түүх

Энэ орчлонд дахиж заяахгүй биз ээ

 
    Саяхан Драмын театрт тоглосон Ромео Жульета үзлээ. Дандаа СУИСын залуу жүжигчид тоглосон сайхан жүжиг байлаа. Бүх үйл явдлыг нь мэдэж байсан ч орчинд ороод тэр тайз, бодит хоолой, жүжигчдын царайны хувиралыг тод харахад үнэхээр гайхалтай байлаа. Мөн аргагүй сонгодог бүтээл юм аа. Юмсыг дүрсэлж хэлж байгаа нь үнэхээр уран яруу гайхалтай!!! Би бүр бишэрч орхисон ахиж үзэхээс лав татгалзахгүй ээ.

 
Бүх зүйл нь төгс байгаагүй ээ. Магадгүй цаг үе өөрчлөгдөөд хүн ч өөрчлөгдсөн байх. Тиймээс  ч ертөнцийг үзэх үзэл нь өөр болсон байх..

  
    Жүжиг эхлэхээс өмнө хамт явсан найз нар маань сэтгэл хөдлөөд уйлж байсан кино, жүжгийнхээ талаар ярьцгааж байлаа. Тэгээд энэ жүжгийг үзээд уйлах байхдаа гэцгээж байв. Би ч агуу хайрыг мэдрэнэ гэдэгтээ итгэлтэй байлаа. Магадгүй уйлах байх гэж бодож байв. Тэгтэл тийм зүйл болсонгүй ээ. Би хайр сэтгэлийг үнэхээр өөрөөр ойлгодог учир жүжгийн маань төгсгөл таалагдсангүй ээ.

 
... Минийхээр бол хайр гэдэг бол хайртай хүнээ аз жаргал руу нь явуулах сэтгэлийн тэнхээ юм уу даа. Нөгөө талаас хайртай хүнийхээ өөрт нь хүсдэг тэр сайн сайхнаар амьдрах юм аа...

...  Ээж аавдаа бид хайртай. Тэд ч бидэнд хайртай. Бид сайн сайхан амьдарч, бидэнд хүсдэг бүх зүйлсийг нь бага багаар ч болов биелүүлж ачийг нь хариулна гэдэг. Энэ нь л тэднийг хайрлаж байгаагийн илрэл ээ...

 
    Ромео Жульетатай хамт амьдарч чадахгүй болсон болохоор өөрийг нь байхгүй байсан ч хайртыгаа аз жаргалтай багаасай гэж хүссэн байх.. Түүнээс биш үхээсээ гэж хүсээгүй байх аа. Би л  Жульета байсан бол Паристай гэрлэж Ромеогийн төлөө, хамтдаа эдлэж чадаагүй аз жаргалынхаа төлөө үнэхээр сайхан амьдрах байсан.

Хайр гэдэг бол хамтдаа л бай гэсэн үг биш ээ. Хэрэв ийм л байх юм бол энэ бол хайр биш шунал болон хувирна. Хайр бол хоёулангын нь хамгийн их аз жаргалтай байх сонголт юм аа.

 ..........

Тэр орой их сайхан орой байсан шүү. Жүжиг тараад гарсан чинь тэргэл сартай, тогтуухан, сэрүүхэн орой болсон байлаа. Би сэрүүхэн, ер нь бага зэрэг даарахаар байхад их дуртай. Өөрийгөө амьд байгааг мэдэрдэг юм гээд хэлчихвэл алдаа болох байх. Ер нь бол даарахаараа даарснаа нуух гэж их хичээдэг. Ингэж ч чаддаг. Энэ үедээ л би өөрийгөө ямар их хүчтэйг мэдэрдэг юм.

Магадгүй ихэнх охид үнэхээр даардаг ч юм уу, эсвэл энхрий харагдах гэж... Их л өрөвдөлтэй харагдах юм. Би тэднээс өөр, үүгээрээ ч бахархдаг..

..........

Гэхдээ 11 өнгөрөөд ирсэн чинь хүйтэн байна лээ шүү. Тэр орой дааруулалгүй, хөгжилтэй өнгөрүүлсэн найз нартаа баярлалаа.

    Мартсанаас Сөүлийн гудамжаар, тодруулбал сургуулиас АН байр хүртэл алхсан. Сайхан байна лээ. Хүүхэд байхын юм санагдаад. Хэдэн ч намрыг үдээв дээ. Бүгд хуучнаараа навч, мод гээд л... Сөүлийн гудамжинд намрын нэгэн орой хайрттайгаа алхаж явсан бүх хүмүүс тэр сайхан мөчөө дурсаарай.